Meet Paul Maggay, 1st Topnotcher ng ISU-Cabagan College of Education

Topnotcher si John Paul Maggay sa Licensure Examination for Teachers (LET).

Pero sinong mag-aakalang ang first choice niyang course ay Bachelor of Science in Chemical Engineering at hindi education?

Noong December 18, 2022, ayon sa Facebook post ng binata na tubong Tumauini, Isabela, “I always experience delays and down moments as I go through my endeavors in life.”

Nang mabigo siyang tapusin ang Chemical Engineering course, nagdesisyon siyang mag-shift.

“In 2016, I tried to continue my obsession with science at Isabela State University-Cabagan by enrolling BSED Major in Science.”

Pero dahil hindi inio-offer ang nasabing course doon, “I half-heartedly enrolled in another one.”

At doon nag-umpisa ang kanyang journey sa pagiging teacher.

challenges in taking the board exam

Noong 2020, nagtapos si Paul ng Bachelor of Science in Elementary Education bilang cum laude.

“After that, I tried to venture again and enrolled in my master’s degree. But I only finished two semesters because I needed to focus on the opportunity to teach at a private institution.”

Noong 2021 ay natanggap siyang private school teacher, at sa sumunod na taon, nag-take siya ng board exam.

Ani Paul, “Preparing for the examination tested my faith and determination to pass the board. I needed to balance it out: work and review days.”

Tatlong buwan lang siyang nakapag-review dahil priority pa rin niya ang trabaho para makapag-provide sa pamilya.

Bukod dito, may mga responsibilidad pa siya bilang Sangguniang Kabataan (SK) chairperson ng kanilang barangay.

“Sobrang hirap pagsabayin. Minsan naiiyak na lang ako habang nagbabasa kasi no choice ako but to deal with the situation.”

Nakadagdag sa pressure ang kanyang pagiging pessimistic.

“I always doubt my capabilities. Iniisip ko lagi na di ko kaya at lagi akong pinanghihinaan ng loob.

“Lalo na after the examination. I always say to other people na baka di ako makapasa. May thoughts akong ganyan during those times.”

Kaya gayun na lang ang lakas ng sigaw at iyak niya nang lumabas na ang resulta ng October 2022 Licensure Examination for Teachers-Elementary Level.

Top 9 siya, at may rating na 92.80 percent.

Bukod dito, may napatunayan din siya sa kanyang mga kritiko.

“May mga taong nagda-down sa akin. I know na di ako perfect at alam kong may masasabi talaga sila.

“So ayun, inisip ko na pag ginalingan ko sa board exam, baka maniwala na sila sa kakayahan ko.”

Nagdala rin siya ng karangalan bilang first-ever national topnotcher ng College of Education ng Isabela State University-Cabagan.

“This victory will never come to reality without those people who supported, comforted, and encouraged me.”

Nagpasalamat siya sa Bojie-Rodito Opportunities (BRO), ang scholarship program ng Provincial Government of Isabela.

“Sobra siyang nakatulong noong time na may tuition fee pang binabayaran for two years.

“Dahil sa scholarship ng BRO, gumaan din ang financial responsibilities ng parents ko sa akin.”

Sa kasalukuyan ay nagtuturo si Paul sa Advance Montessori Education Center of Isabela, Inc.

Simple naman ang mensahe niya sa iba pang nais magtagumpay sa piniling career: “Trust the process.”