Justin Cuyugan on breakup with Dawn Chang: “It was very traumatic.”

Masasabing bad breakup ang kinahantungan ng relasyon nina Justin Cuyugan at Dawn Chang.

Read: Justin Cuyugan hints at leaving a “narcissistic relationship”; did he confirm split with Dawn Chang?

Noong July 2021, sunud-sunod ang cryptic posts ni Justin tungkol sa “narcissist” na lubos na nakasakit sa kanya, at ang pag-aalsa balutan niya.

Ipinakita pa noon ni Justin ang mga gamit niya sa bahay na nakakalat sa kalsada, na nagpapahiwatig na tila biglaan ang pag-alis niya ng tirahan.

Tatlong taon ding tumagal ang relasyon ng dalawa bago ito nauwi sa breakup.

Si Dawn ay dating ex-Pinoy Big Brother housemate, samantalang si Justin ay character actor na napapanood sa Kapamilya Network.

Noong November 14, 2022, eksklusibong nakapanayam ng PEP.ph (Philippine Entertainment Portal) si Justin sa watch party ng Prime action series na One Good Day, na ginanap sa Isa ballroom ng EDSA Shangri-La.

Dito ay ibinahagi ng Kapamilya actor na hindi niya inasahan ang paghihiwalay nila ni Dawn.

“It was very traumatic. Of course, kasi hindi ko naman alam ang nangyayari.

“As what I’ve said, when it comes to relationship, ang naisip ko lagi is getting married.

“On my part, sorry for my lack of word… I don’t f*ck around. When bad things started to happen, kahit naman ako, ‘Wow, nangyayari pala ito.’

“After six years [since my wife passed away], I was hoping it was okay. I was fine, pero ang iisipin mo pa rin yung kapakanan ng mga bata, di ba? Are they happy?”

Patuloy na pagkukuwento ni Justin, naging mas mabigat sa kanya ang lahat dahil nakita niya kung gaano naapektuhan ang mga anak.

Si Justin ay may dalawang anak sa unang asawa nito na namatay sa cancer sa obaryo noong 2016.

“Oo, kasi kung nasaan ako, yun din ang nararamdaman nila. Ang akin, actually, it’s more for them, e. It’s not for me anymore.

“Kung ako, I can stay single. [But] sometimes they look for a mother figure.

“Sobrang heartbroken yung mga bata. They couldn’t understand what is happening. Kaya ako, nagalit din ako.

“Lagi kong sinasabi nun, if it’s just me, no problem, e. Kaya lang may kasamang mga bata, e. Kasama ko silang naghahanap ng bahay, kasama ko silang nasa kalye.”

Tungkol naman sa kanyang Instagram post na nasa kalye ang mga kutson at ibang gamit niya sa bahay, nilinaw ni Justin na desisyon niyang umalis na lang sa tinutuluyan nila ni Dawn noon.

“It was my choice. Ako na lang, aalis na lang ako, para wala na lang usapan technically.

“Alam mo naman pag breakups, may mga misunderstandings. I didn’t have a choice, actually.

“Sa amin, we were renting it. It was my choice para lang walang usapan, I just left everything.”

Pero naka-move on na raw si Justin.

Napatawad na umano niya si Dawn sa kung anuman ang hindi maganda nilang pinagdaanan.

“I guess, forgiveness was there. I’ve forgiven her already.

“Life is great, life is better, proper now.

“Simple life for the kids. They have their school, they can go wherever they want.

“Life is way, way better now,” sabi pa ni Justin.