Justin Cuyugan introduces non-showbiz girlfriend

Kung noon ay lugmok sa heartbreak si Justin Cuyugan, ngayon ay makikitang lubos ang saya nito sa bago niyang pag-ibig.

Buong pagmamalaki niyang ipinakilala sa PEP.ph (Philippine Entertainment Portal) ang non-showbiz girlfriend niyang si Anna Gonzales.

Si Anna ay isang negosyante na, tulad ni Justin, ay mula sa Pampanga.

“Anna is a restaurateur. She’s the owner of Edna’s Cake Land,” pagpapakilala ni Justin.

“She has other businesses as well. She just put up a new beauty line, it’s called Glow Skin.

“It’s very new to the market, grabe yung product, gustung-gusto ng mga tao. They went crazy over it.”

Mas tahimik daw ang buhay ni Justin ngayong non-showbiz ang karelasyon niya.

“Yung kilos, it’s very normal. Na-miss ko yun kasi, di ba, I was married before?

“When I lost my wife in 2016, hindi naman talaga ako nag-partner ng showbiz ever. Once lang naman. I saw the difference.

“It was always my choice not to be public with my personal life. I kinda try it and it’s okay, I guess.”

Nakikita kaya ng aktor na mauuwi sa kasalan ang relasyon nila ni Anna?

Sagot niya, “Lagi naman akong ganun, e. Every time I’m in a relationship, I always go for the end goal of getting married.

“I don’t want to waste my time with relationships. Hindi ako mahilig mag-hooping-hooping. Masyado akong seryoso sa buhay for that.”

ON HIS GIRLFRIEND’S RELATIONSHIP WITH HIS KIDS

Masaya rin si Justin sa magandang relasyon ng mga anak kay Anna.

May dalawang anak si Justin mula sa unang asawa niya na si Carmi, na pumanaw dahil sa ovarian cancer noong 2016.

“The kids kasi, alam mo naman na they lost their mom when they were young. Ngayon, I’m very careful with the people that I become close with.

“Even friends, pinipili ko na talaga masyado kasi I don’t wanna be tricked again, e. This time nakita ko, it was fine, it was perfect.

“I was lucky lang that Anna is there for them. Mayroon nga akong isang post, Anna is our savior, to be honest,” saad ni Justin.

Nagdiwang ng kanilang first anniversary sina Justin at Anna bilang magkarelasyon noong November 5, 2022.

https://www.instagram.com/p/Ckjt6gwhL-g/?hl=en

ON BEING BUSINESS PARTNERS WITH ANNA

Bukod sa kanyang showbiz career, pinasok na rin ni Justin ang pagnenegosyo kasama ang nobya.

Kuwento pa niya sa PEP.ph: “My girlfriend and I, we put up a company. It’s name is Gocu Builders. It’s Gonzales-Cuyugan Builders, contractor na ako ngayon.

“Okay naman na. Pandemic-wise, halos wala na, e. And construction will never go out.

“We have a new style of building and construction, yung dealing namin with the clients, intergrity based, e.

“Nakakahiya kasi siyempre pag kaharap ko ibang clients, pag nakilala nila ako, artista yung kausap nila.

“Hindi ako puwedeng masira sa mga salita ko kasi madali akong hanapin. Pag may nagkamali sa construction, madaling sabihin kung ibang contractor, ‘Ah, yung contractor na ganito.’ Pero pag ako, ‘Ay, si Justin.’

“I’m very much keen with doing the right thing. Mag-aaral ako ng Industrial Design to be exact just to keep up.”

NEW ACTING PROJECT

Eksklusibong nakapanayam ng PEP.ph si Justin sa watch party ng six-part series na One Good Day, na nagsimulang umere sa Prime Video noong November 17.

Excited at natutuwa si Justin na naging parte siya ng proyekto kung saan nakasama niya sina Ian Veneracion, Joel Torre, Tirso Cruz III, Nicole Cordoves, at Andrea Torres. Si Lester Ong ang direktor ng action series.

“Working with the cast, sobrang lupit. May Tirso Cruz III ka, may Joel Torre, every day was a treat,” ani Justin.

“Saka nakaka-proud, it’s been a while since I went out, came out of hiding. Ngayon kasi, hindi naman sa namimili, I’m looking for good roles na I can portray properly.

“I’m lucky that Direk Lester asked me to do it.”

Mabuti na lang daw at tinanggap niya ang proyekto.

“Nung una medyo hesitant pa ako, sabi ko. Pero sabi niya, ‘Bro, ikaw lang makakagawa nito.’ ‘Okay, sige,’ sabi ko.

“Ako si Roman sa istorya, bale anak ako ni Joel Torre, kapatid ko si Nicole Cordoves.”