Dimples Romana quashes rumored marital problem of Angel Locsin, Neil Arce

Bilang isa sa malalapit na kaibigan nina Neil Arce at Angel Locsin, inalmahan ni Dimples Romana ang kumalat na isyu na on the rocks umano ang pagsasama ng mag-asawa.

Dinawit pa ng ibang YouTubers ang ex-girlfriend ni Neil na si Maxene Magalona sa hinabing isyu, sa pamamagitan ng pagtagpi-tagpi ng unverified information.

Nakapanayam ng PEP.ph (Philippine Entertainment Portal) si Dimples sa presscon ng My Father, My Self, na ginanap sa Novotel Araneta nung November 24, 2022.

“Hindi ko iyan narinig, nakakatawa naman iyan,” tukoy ni Dimples nang hingan ng reaksyon sa isyu.

Diin niya: “Kilala ko ang mga kaibigan ko. There’s really no need to even talk about it. We know what’s happening here, so there’s really no point.

“Alam niyo, di maganda yung mga ganyang klase ng mga kuwento kasi kung iyan ay walang basehan, ang tawag talaga diyan ay fake news.

“And do we want fake news? No.”

Nauna nang naklaro ni Neil na walang katotohanan ang mga lumabas na isyu na tinawag nitong “fake news.”

ANGEL’S SOCIAL-MEDIA DETOX

Tila umugong ang intriga sa mag-asawa dahil kapansin-pansin ang pagiging low-key ni Angel sa social media.

Ang huli nitong Instagram post ay noon pang August 1.

Pero diin ni Dimples, patuloy ang komunikasyon niya kina Neil at Angel.

“Si Neil kausap ko lang nung nasa Japan ako, nag-uusap naman kami lagi ni Gel.

“The Lord knows what’s happening between them, between us, so yun ang pinakaimportante sa lahat.

“Nobody has the right to question what they do with their lives because again it’s their lives. If they are happy, happy ako.”

Deserve raw ni Angel na magpahinga sa social media at i-enjoy ang pribado nitong buhay.

“Alam mo, bakit naman nakakapagtaka yun? E, tayo may mga panahon talaga tayo na we wanna take a break and why don’t we give it to her?

“Sa totoo, she deserves it and more, kasi grabe naman ang naging contribution ni Gel not just in the industry bilang artista but also somebody who fights for rights of other people.

“Para sa akin ibigay na natin yun sa kanya. I’m so happy she’s taking this time off because she deserves every single day na peaceful, tahimik ang kanyang life.”