Court grants TRO vs Victor Consunji after attempting to kick out Maggie Wilson from Taguig home

Naglabas ng Temporary Restraining Order (TRO) ang Taguig Regional Trial Court para huwag mapaalis si Maggie Wilson sa “rented house” nito sa Taguig City.

Kaugnay ito ng “illegal and unauthorized” na pagpapalayas kay Maggie ng estranged husband nitong si Victor Consunji noong nakaraang Biyernes, July 15, 2022.

READ: Maggie Wilson defies Victor Consunji; not moving out of “conjugal property”

READ: Tim Connor reacts to “rubbish accusations” against him and Maggie Wilson

READ: Maggie Wilson, Tim Connor sinampahan ng kasong adultery ni Victor Consunji

Ngayong Miyerkules, July 20, natanggap ni Maggie ang desisyon ng korte hinggil sa isyu, at ibinahagi niya ito sa pamamagitan ng Instagram Story.

Sabi ng korte, walang karapatan si Victor na paalisin si Maggie dahil mayroong “existing lease contract” ang beauty queen sa naturang property ng DMCI.

Ibig sabihin, valid ang lease contract ni Maggie hanggang sa kung anuman ang nakasaad na end date ng pagrenta niya sa tinitirahang bahay.

Sabi sa isang bahagi ng resolusyon ng korte:

“Since it cannot be denied that a valid lease contract is existing and subsisting between the petitioner and the defendants, the Lease Contract should be respected by the parties wherein the lessor is obliged to maintain the lessee in the peaceful and adequate enjoyment of the leased premises for the entire duration of the contract.

“The attempt of the defendants to forcibly evict Petitioner Margaret N. Wilson from the rented property does not sit well with the court as there are existing remedies that are available to the defendants under the law.”

Base sa pagsusuri ng korte sa ebidensiyang isinumite ni Maggie, hindi raw makatarungan ang ginawa ng kampo ni Victor na alisan ng kuryente ang bahay ni Maggie ilang oras matapos ang bigong pagpapaalis dito dahil sa exisiting lease contract nito.

Kaya nag-isyu ang korte ng TRO kay Victor.

Paliwanag sa resolusyon (itals provided): “Considering the extreme urgency of the matter and the fact that plaintiff will suffer grave injustice and irreparable injury in the event that injunctive reliefs are not issued, it is respectfully prayed of this Honorable Court to immediately issue the injunctive reliefs prayed for to: 9(a) PREVENT defendants, their representatives, or any person acting for and on their behalf or upon their direction, from continuing with their illegal and unauthorized activities, causing grave and substantial damage and prejudice to plaintiff, her family, and her household staff and from taking any action that will prevent Meralco or any electrician from restoring electricity in the subject property.”

Pirmado ito ni Executive Judge Antonio M. Olivete.

Nagpasalamat naman si Maggie sa pagpabor sa kanya ng korte anim na araw mula nang mawalan ng kuryente sa kanyang tirahan.

Aniya, “After six days of no power. Thank you the court and the justice system of the Philippines.”

Sina Maggie at Victor ay 11 taong nagsama bilang mag-asawa bago inanunsiyo ni Maggie ang hiwalayan nila noong September 2021.

Noong Biyernes, July 15, 2022, lumabas sa mga pahayagan ang pagsampa ni Victor ng kasong adultery laban kay Maggie at sa alleged third party ng kanilang breakup na si Tim Connor.

Umalma naman si Maggie sa aniya’y “harassment and persecution” sa kanya ni Victor sa sapilitan nitong pagpapaalis sa kanya sa tirahan niya.

Nagpahiwatig din si Maggie, base sa post niya ng excerpt mula sa Philippine Commission on Women, na nagsasabing ang pagsampa ng kasong “adultery” ay ginagamit umano na “bargaining suits” sa legal battle ng estranged couple.

Bukas ang PEP.ph (Philippine Entertainment Portal) sa anumang pahayag ng mga personalidad na nabanggit sa artikulong ito.

#news-disclaimer {
font-size: 16px;
font-style: italic;
text-align: justify;
}